లక్ష్మీపూజకు అనువైన రోజులేంటో మీకు తెలుసా?Laksmipujaku flexible days Did you know?

మహాలక్ష్మీదేవికి తామరపువ్వులంటే అమిత ఇష్టం. సదా తన చేతులలో పద్మాలను ధరించే వుండే లక్ష్మీదేవి క్షీరసాగరంలో ఉద్భవించింది. సాగర మధనం తర్వాత క్షీర సాగరంలో ఉద్భవించిన ఈ దేవ దేవికి మార్గశిర, ఫాల్గుణ మాసాలు అత్యంత ఇష్టమైన మాసాలుగా చెప్పబడుతున్నాయి.

లక్ష్మీపూజ

కు ఆ తల్లి పుట్టిన రోజు ఫాల్గుణ బహుళ విదియ శ్రేష్టమని చెప్పబడుతోంది. లక్ష్మీ పూజకు పాడ్యమి, అష్టమి, నవమి, దశమి, ఏకాదశి, పౌర్ణమి వంటి తిథులు అనువైనవిగా పురోహితులు చెబుతున్నారు.

ముఖ్యంగా దీపావళి అమావాస్యనాడు చేసే లక్ష్మీపూజ వల్ల సకల ఐశ్వర్యాలు కలుగుతాయి. ఏ శుభకార్యమైనప్పటికీ లక్ష్మీపూజతోనే సంపన్నమవుతుంది. యజ్ఞయాగాదులలో, గృహప్రవేశ సమయంలో లక్ష్మీదేవికి గోరూరంలో పూజించడం మంచిది.

ఇక శ్రీసూక్త విధానంగా షోడశోపచారాలతో, అష్టోత్తర శతనామాలతో ఆ తల్లిని పూజించిన వారికి అష్టైశ్వర్యాలు సిద్ధిస్తాయి. అంగన్యాస కరన్యాసాది ప్రక్రియలతో ఆవాహన చేసి కొలిచినవారికి మోక్షం తథ్యమని పురోహితులు చెబుతున్నారు.